ﮐﻮﮦ ﻧﻮﺭ ﮨﯿﺮﮮ ﮐﮯ ﺳﻔﺮ ﮐﯽ ﺩﻟﭽﺴﭗ ﺍﻭﺭ ﺣﯿﺮﺕ ﺍﻧﮕﯿﺰ ﮐﮩﺎﻧﯽ

ﮐﻮﮦِ ﻧﻮﺭ ﮐﻮ ﺩﻧﯿﺎ ﮐﺎ ﻣﺸﮩﻮﺭ ﺗﺮﯾﻦ، ﻗﯿﻤﺘﯽ ﺍﻭﺭ ﺗﺎﺭﯾﺨﯽ ﮨﯿﺮﺍ ﺗﺴﻠﯿﻢ ﮐﯿﺎ ﺟﺎﺗﺎ ﮨﮯ۔ کوہ نور آج سے ﭼﺎﺭ ﮨﺰﺍﺭ ﺳﺎﻝ ﻗﺒﻞ ﺍﻧﮉﯾﺎ ﻣﯿﮟ ﺩﺭﯾﺎﻓﺖ ﮨﻮﺍ ﺗﮭﺎ۔

ﺍﺱ ﮐﮯ ﺑﻌﺪ ﯾﮧ ﮨﯿﺮﺍ ﻣﺨﺘﻠﻒ ﺑﺎﺩﺷﺎﮨﻮﮞ، ﺭﺍﺟﺎﺅﮞ ﺍﻭﺭ ﺣﺎﮐﻤﻮﮞ ﺳﮯ ﮨﻮﺗﺎ ﮨﻮﺍ ﺁﺝ ﮐﻞ ﺍﻧﮕﻠﯿﻨﮉ ﮐﯽ ﻣﻠﮑﮧ ﺍﻟﺰﺑﺘﮫ ﮐﮯ ﺗﺎﺝ ﻣﯿﮟ ﺟﻠﻮﮦ ﺍﻓﺮﻭﺯ ﮨﮯ۔ ﺍﻧﮕﻠﯿﻨﮉ ﻭﺍﻟﻮﮞ ﻧﮯ ﺍﺱ ﮨﯿﺮﮮ ﮐﻮ ﺑﮩﺘﺮ ﺷﮑﻞ ﻣﯿﮟ ﻻﻧﮯ ﺍﻭﺭ ﺍﺱ ﮐﯽ ﭼﻤﮏ ﺩﻣﮏ ﻣﯿﮟ ﺍﺿﺎﻓﮧ ﮐﺮﻧﮯ ﮐﮯ ﻟﯿﮯ ﺗﺮﺍﺵ ﮐﺮ ﮐﭽﮫ ﻣﺨﺘﺼﺮ ﮐﺮﺩﯾﺎ ﮨﮯ۔ ﺍﺏ ﺍﺱ ﮐﯽ ﻣﻮﺟﻮﺩﮦ ﺻﻮﺭﺕ 105 ﻗﯿﺮﺍﻁ ﺍﻭﺭ ﻭﺯﻥ 21 ﮔﺮﺍﻡ ﮨﮯ ﺟﺐ ﮐﮧ ﺍﺱ ﮐﺎ ﺍﺻﻞ ﻭﺯﻥ 37 ﮔﺮﺍﻡ ﺗﮭﺎ۔ ﺑﮩﺮﺣﺎﻝ ﺍﺱ ﻣﯿﮟ ﮐﻮﺋﯽ ﺷﺒﮧ ﻧﮩﯿﮟ ﮐﮧ ﻭﮦ ﺩﻧﯿﺎ ﮐﺎ ﻗﯿﻤﺘﯽ ﺗﺮﯾﻦ ﮨﯿﺮﺍ ﮨﮯ۔
ﺩﯾﮕﺮ ﮨﯿﺮﻭﮞ ﮐﯽ ﻃﺮﺡ ﮐﻮﮦِ ﻧﻮﺭ ﮐﮯ ﺳﺎﺗﮫ ﺑﮭﯽ ﮐﺌﯽ ﺭﻭﺍﯾﺎﺕ ﺍﻭﺭ ﮐﮩﺎﻧﯿﺎﮞ ﻭﺍﺑﺴﺘﮧ ﮨﯿﮟ۔ ﮐﮩﺎ ﺟﺎﺗﺎ ﮨﮯ ﮐﮧ ﯾﮧ ﮨﯿﺮﺍ ﻣﺮﺩﻭﮞ ﮐﮯ ﻟﯿﮯ ﻧﺤﻮﺳﺖ ﺍﻭﺭ ﻣﻮﺕ ﮐﯽ ﻋﻼﻣﺖ ﺑﻨﺎ ﺭﮨﺎ ﮨﮯ ﺟﺐ ﮐﮧ ﻋﻮﺭﺗﻮﮞ ﮐﮯ ﻟﯿﮯ ﺧﻮﺵ ﺑﺨﺘﯽ ﮐﺎ ﺳﺒﺐ ﺑﻨﺎ ﮨﮯ۔
ﮐﻮﮦِ ﻧﻮﺭ ﮨﯿﺮﺍ ﺍﻧﮉﯾﺎ ﮐﮯ ﻣﺨﺘﻠﻒ ﮨﻨﺪﻭ ﺍﻭﺭ ﻣﺴﻠﻤﺎﻥ ﺣﮑﻢ ﺭﺍﻧﻮﮞ ﺳﮯ ﮨﻮﺗﺎ ﮨﻮﺍ 1526 ﻣﯿﮟ ﻣﻐﻞ ﺑﺎﺩﺷﺎﮦ ﺑﺎﺑﺮ ﮐﮯ ﮨﺎﺗﮫ ﺍﺱ ﻭﻗﺖ ﺁﯾﺎ ﺟﺐ ﺍﺱ ﻧﮯ ﺍﺑﺮﺍﮨﯿﻢ ﻟﻮﺩﮬﯽ ﮐﻮ ﺷﮑﺴﺖ ﺩﮮ ﮐﺮ ﺩﮨﻠﯽ ﭘﺮ ﻗﺒﻀﮧ ﮐﺮﻟﯿﺎ ﺗﮭﺎ۔ ﺑﺎﺑﺮ ﮐﯽ ﯾﺎﺩﺩﺍﺷﺘﻮﮞ ﭘﺮ ﻣﺸﺘﻤﻞ ﮐﺘﺎﺏ ’’ ﺑﺎﺑﺮ ﻧﺎﻣﮧ ‘‘ ﻣﯿﮟ ﺑﮭﯽ ﺍﺱ ﮨﯿﺮﮮ ﮐﺎ ﺫﮐﺮ ﮨﮯ۔ ﻣﺬﮐﻮﺭﮦ ﮐﺘﺎﺏ ﻣﯿﮟ ﺑﺎﺑﺮ ﻧﮯ ﮐﻮﮦِ ﻧﻮﺭ ﮨﯿﺮﮮ ﮐﮯ ﺑﺎﺭﮮ ﻣﯿﮟ ﻟﮑﮭﺎ ﮨﮯ : ’’ ﯾﮧ ﺍﺱ ﻗﺪﺭ ﻗﯿﻤﺘﯽ ﮨﯿﺮﺍ ﮨﮯ ﮐﮧ ﺍﺱ ﮐﮯ ﻋﻮﺽ ﻣﻠﻨﮯ ﻭﺍﻟﯽ ﺭﻗﻢ ﺳﮯ ﺩﻧﯿﺎ ﺑﮭﺮ ﮐﮯ ﺗﻤﺎﻡ ﻟﻮﮔﻮﮞ ﮐﻮ ﺩﻭ ﺩﻥ ﮐﺎ ﮐﮭﺎﻧﺎ ﮐﮭﻼﯾﺎ ﺟﺎﺳﮑﺘﺎ ﮨﮯ۔ ‘‘ ﺑﺎﺑﺮ ﮐﮯ ﺑﻌﺪ ﯾﮧ ﮨﯿﺮﺍ ﮨﻤﺎﯾﻮﮞ ﮐﮯ ﭘﺎﺱ ﭘﮩﻨﭽﺎ۔ ﺍﮐﺒﺮ ﻧﮯ ﺍﺳﮯ ﺍﭘﻨﮯ ﭘﺎﺱ ﻧﮩﯿﮟ ﺭﮐﮭﺎ۔ ﺍﺱ ﮐﮯ ﺑﻌﺪ ﺍﮐﺒﺮ ﮐﮯ ﭘﻮﺗﮯ ﺷﺎﮦ ﺟﮩﺎﮞ ﻧﮯ ﺍﺳﮯ ﺧﺰﺍﻧﮯ ﮐﯽ ﺗﺠﻮﺭﯼ ﺳﮯ ﻧﮑﻠﻮﺍ ﮐﺮ ﺍﭘﻨﮯ ﭘﺎﺱ ﺭﮐﮭ  ﻟﯿﺎ ﺗﮭﺎ۔ ﺍﺱ ﻧﮯ ﺑﻌﺪ ﻣﯿﮟ ﺍﺱ ﮨﯿﺮﮮ ﮐﻮ ﺗﺨﺖ ﻃﺎﺋﻮﺱ ﮐﯽ ﺯﯾﻨﺖ ﺑﻨﺎ ﺩﯾﺎ۔ ﺷﺎﮦ ﺟﮩﺎﮞ ﮐﮯ ﺑﻌﺪ ﺍﺱ ﮐﺎ ﺑﯿﭩﺎ ﺍﻭﺭﻧﮓ ﺯﯾﺐ ﻋﺎﻟﻤﮕﯿﺮ ﺑﺎﺩﺷﺎﮦ ﺑﻨﺎ ۔ ﺍﺱ ﻧﮯ ﺍﭘﻨﮯ ﺑﺎﭖ ﺷﺎﮦ ﺟﮩﺎﮞ ﮐﻮ ﺁﮔﺮﮦ ﻣﯿﮟ ﻗﯿﺪ ﮐﯿﺎ ﺗﮭﺎ ﺍﻭﺭ ﮐﮩﺎ ﺟﺎﺗﺎ ﮨﮯ ﮐﮧ ﺍﻭﺭﻧﮓ ﺯﯾﺐ ﻧﮯ ﺷﺎﮦ ﺟﮩﺎﮞ ﮐﮯ ﻗﯿﺪ ﺧﺎﻧﮯ ﮐﯽ ﮐﮭﮍﮐﯽ ﭘﺮ ﮐﻮﮦ ﻧﻮﺭ ﮨﯿﺮﮮ ﮐﻮ ﺍﺱ ﺯﺍﻭﯾﮯ ﺳﮯ ﺭﮐﮭﻮﺍ ﺩﯾﺎ ﺗﮭﺎ ﮐﮧ ﺗﺎﺝ ﻣﺤﻞ ﮐﺎ ﻋﮑﺲ ﺍﺱ ﻣﯿﮟ ﻧﻈﺮ ﺁﺳﮑﺘﺎ ﺗﮭﺎ۔
ﻟﻄﻒ ﮐﯽ ﺑﺎﺕ ﯾﮧ ﮨﮯ ﮐﮧ ﺍﺱ ﮨﯿﺮﮮ ﮐﻮ ’’ ﮐﻮﮦِ ﻧﻮﺭ ‘‘ ﮐﺎ ﻧﺎﻡ ﻧﺎﺩﺭ ﺷﺎﮦ ﻧﮯ ﺩﯾﺎ ﺗﮭﺎ۔ ﺍﺱ ﮐﮯ ﺑﻌﺪ ﺁﺝ ﺗﮏ ﺍﺳﮯ ﮐﻮﮦِ ﻧﻮﺭ ﮐﮩﺎ ﺟﺎﺗﺎ ﮨﮯ۔ 1739 ﻣﯿﮟ ﺟﺐ ﻧﺎﺩﺭ ﺷﺎﮦ ﻧﮯ ﺁﮔﺮﮦ ﺍﻭﺭ ﺩﮨﻠﯽ ﭘﺮ ﺣﻤﻠﮧ ﮐﯿﺎ ﺗﻮ ﻭﺍﭘﺴﯽ ﭘﺮ ﺗﺨﺖ ﻃﺎﺋﻮﺱ ﮐﮯ ﺳﺎﺗﮫ ﺍﺱ ﮨﯿﺮﮮ ﮐﻮ ﺑﮭﯽ ﺍﯾﺮﺍﻥ ﻟﮯ ﺁﯾﺎ ﺗﮭﺎ۔ ﺟﺐ ﻧﺎﺩﺭ ﺷﺎﮦ ﻧﮯ ﭘﮩﻠﯽ ﺑﺎﺭ ﺍﺱ ﮨﯿﺮﮮ ﮐﻮ ﺩﯾﮑﮭﺎ ﺗﻮ ﺑﮯ ﺍﺧﺘﯿﺎﺭ ﺯﺑﺎﻥ ﺳﮯ ’’ ﮐﻮﮦِ ﻧﻮﺭ ‘‘ ﻧﮑﻼ۔ ﯾﻌﻨﯽ ﺭﻭﺷﻨﯽ ﮐﺎ ﭘﮩﺎﮌ ! 1739 ﺳﮯ ﻗﺒﻞ ﺍﺱ ﭘﺘﮭﺮ ﮐﺎ ﮐﻮﺋﯽ ﻧﺎﻡ ﻧﮩﯿﮟ ﺗﮭﺎ۔ ﺍﺱ ﺧﻮﺏ ﺻﻮﺭﺕ ﺍﻭﺭ ﭼﻤﮏ ﺩﺍﺭ ﭘﺘﮭﺮ ﮐﯽ ﻗﯿﻤﺖ ﮐﮯ ﺣﻮﺍﻟﮯ ﺳﮯ ﺍﯾﮏ ﺍﻭﺭ ﺭﻭﺍﯾﺖ ﺑﮭﯽ ﻣﺸﮩﻮﺭ ﮨﮯ۔ ﻧﺎﺩﺭ ﺷﺎﮦ ﮐﯽ ﺍﯾﮏ ﺑﯿﻮﯼ ﻧﮯ ﮐﮩﺎ ﺗﮭﺎ ’’ ﺍﮔﺮ ﮐﻮﺋﯽ ﻃﺎﻗﺖ ﻭﺭ ﻣﺮﺩ ﺍﯾﮏ ﭘﺘﮭﺮ ﻣﻐﺮﺏ ﮐﯽ ﺟﺎﻧﺐ، ﺍﯾﮏ ﻣﺸﺮﻕ ﮐﯽ ﻃﺮﻑ، ﺍﯾﮏ ﺟﻨﻮﺏ ﺍﻭﺭ ﺍﯾﮏ ﺷﻤﺎﻝ ﮐﯽ ﺟﺎﻧﺐ ﭘﻮﺭﯼ ﻗﻮﺕ ﺳﮯ ﭘﮭﯿﻨﮑﮯ۔ ﭘﺎﻧﭽﻮﺍﮞ ﭘﺘﮭﺮ ﭘﻮﺭﯼ ﻗﻮﺕ ﺳﮯ ﺍﻭﭘﺮ ﮐﯽ ﺟﺎﻧﺐ ﺍﭼﮭﺎﻝ ﺩﮮ … ﭘﺘﮭﺮﻭﮞ ﮐﮯ ﺩﺭﻣﯿﺎﻥ ﭼﺎﺭﻭﮞ ﺍﻃﺮﺍﻑ ﮐﮯ ﮔﮭﯿﺮﮮ ﻣﯿﮟ ﭘﺎﻧﭽﻮﯾﮟ ﭘﺘﮭﺮ ﮐﯽ ﺑﻠﻨﺪﯼ ﺗﮏ ﺳﻮﻧﮯ ﺍﻭﺭ ﻗﯿﻤﺘﯽ ﭼﯿﺰﻭﮞ ﺳﮯ ﺑﮭﺮﺩﯾﺎ ﺟﺎﺋﮯ ﺗﻮ ﯾﮧ ﮐﻮﮦِ ﻧﻮﺭ ﮨﯿﺮﮮ ﮐﯽ ﻗﯿﻤﺖ ﮐﮯ ﺑﺮﺍﺑﺮ ﮨﻮﮔﺎ۔ ‘‘
ﮐﮩﺎ ﺟﺎﺗﺎ ﮨﮯ ﮐﮧ ﮐﻮﮦِ ﻧﻮﺭ ﮨﯿﺮﮮ ﮐﻮ ﻧﺎﺩﺭ ﺷﺎﮦ ﺳﮯ ﭘﻮﺷﯿﺪﮦ ﺭﮐﮭﺎ ﮔﯿﺎ ﺗﮭﺎ۔ ﻟﯿﮑﻦ ﻣﻐﻞ ﺑﺎﺩﺷﺎﮦ ﻣﺤﻤﺪ ﺷﺎﮦ ﮐﮯ ﮐﺴﯽ ﮔﮭﺮ ﮐﮯ ﺑﮭﯿﺪﯼ ﻧﮯ ﻧﺎﺩﺭ ﺷﺎﮦ ﮐﻮ ﻣﻄﻠﻊ ﮐﺮﺩﯾﺎ ﮐﮧ ﮨﯿﺮﺍ ﻣﺤﻤﺪ ﺷﺎﮦ ﮐﯽ ﭘﮕﮍﯼ ﻣﯿﮟ ﭼﮭﭙﺎ ﮨﻮﺍ ﮨﮯ۔ ﮨﯿﺮﮮ ﮐﮯ ﺑﺎﺭﮮ ﻣﯿﮟ ﺧﺒﺮ ﻣﻠﺘﮯ ﮨﯽ ﻧﺎﺩﺭ ﺷﺎﮦ ﺍﺳﮯ ﺣﺎﺻﻞ ﮐﺮﻧﮯ ﮐﮯ ﻟﯿﮯ ﺑﮯ ﭼﯿﻦ ﮨﻮﮔﯿﺎ۔ ﮐﺎﻓﯽ ﺳﻮﭺ ﺑﭽﺎﺭ ﮐﮯ ﺑﻌﺪ ﺍﺱ ﻧﮯ ﺍﯾﮏ ﺗﻘﺮﯾﺐ ﮐﺎ ﺍﻧﻌﻘﺎﺩ ﮐﯿﺎ ﺍﻭﺭ ﯾﮧ ﻣﺸﮩﻮﺭ ﮐﺮﺩﯾﺎ ﮐﮧ ﻭﮦ ﺩﮨﻠﯽ ﮐﺎ ﺗﺨﺖ ﻣﺤﻤﺪ ﺷﺎﮦ ﮐﻮ ﻭﺍﭘﺲ ﮐﺮﻧﮯ ﮐﺎ ﺍﺭﺍﺩﮦ ﺭﮐﮭﺘﺎ ﮨﮯ۔ ﺗﻘﺮﯾﺐ ﮐﮯ ﺩﻭﺭﺍﻥ ﯾﮑﺎﯾﮏ ﺍﺱ ﻧﮯ ﻣﺤﻤﺪ ﺷﺎﮦ ﺳﮯ ﭘﮕﮍﯼ ﺑﺪﻝ ﺩﻭﺳﺘﯽ ﮐﺎ ﺍﻋﻼﻥ ﮐﯿﺎ ﺍﻭﺭ ﺭﺳﻢ ﮐﮯ ﻣﻄﺎﺑﻖ ﺍﭘﻨﯽ ﭘﮕﮍﯼ ﺍﺗﺎﺭ ﮐﺮ ﻣﺤﻤﺪ ﺷﺎﮦ ﮐﯽ ﻃﺮﻑ ﺑﮍﮬﺎ ﺍﻭﺭ ﭘﮭﺮ ﺍﭘﻨﯽ ﭘﮕﮍﯼ ﺍﺱ ﮐﮯ ﺣﻮﺍﻟﮯ ﮐﺮﺩﯼ۔ ﺟﻮﺍﺏ ﻣﯿﮟ ﻣﺤﻤﺪ ﺷﺎﮦ ﺍﺳﮯ ﺍﭘﻨﯽ ﭘﮕﮍﯼ ﺩﯾﻨﮯ ﺳﮯ ﺍﻧﮑﺎﺭ ﻧﮧ ﮐﺮﺳﮑﺎ۔ ﺗﻘﺮﯾﺐ ﺧﺘﻢ ﮨﻮﻧﮯ ﮐﮯ ﺑﻌﺪ ﻧﺎﺩﺭ ﺷﺎﮦ ﺍﭘﻨﮯ ﮐﻤﺮﮮ ﻣﯿﮟ ﮔﯿﺎ ﺍﻭﺭ ﭘﮕﮍﯼ ﮐﮯ ﺑﻞ ﮐﮭﻮﻝ ﮐﺮ ﺍﺱ ﻣﯿﮟ ﭘﻮﺷﯿﺪﮦ ﮨﯿﺮﺍ ﺑﺮﺁﻣﺪ ﮐﺮﻟﯿﺎ۔ ﮨﯿﺮﮮ ﮐﯽ ﭼﻤﮏ ﺳﮯ ﮔﻮﯾﺎ ﮐﻤﺮﮦ ﺟﮕﻤﮕﺎ ﺍﭨﮭﺎ۔ ﺍﺱ ﮐﯽ ﭼﻤﮏ ﺩﻣﮏ ﺩﯾﮑﮫ ﮐﺮ ﺳﺘﺎﺋﺸﯽ ﺍﻧﺪﺍﺯ ﻣﯿﮟ ﺑﮯ ﺍﺧﺘﯿﺎﺭ ﺍﺱ ﮐﯽ ﺯﺑﺎﻥ ﺳﮯ ﻧﮑﻼ ﺗﮭﺎ ’’ ﮐﻮﮦِ ﻧﻮﺭ ‘‘! 1747 ﻣﯿﮟ ﻧﺎﺩﺭ ﺷﺎﮦ ﮐﮯ ﻗﺘﻞ ﮐﮯ ﺑﻌﺪ ﮐﻮﮦِ ﻧﻮﺭ ﮨﯿﺮﺍ ﺍﻓﻐﺎﻧﺴﺘﺎﻥ ﮐﮯ ﺍﺣﻤﺪﺷﺎﮦ ﺍﺑﺪﺍﻟﯽ ﮐﮯ ﻗﺒﻀﮯ ﻣﯿﮟ ﺁﮔﯿﺎ۔ 1830 ﻣﯿﮟ ﻣﻌﺰﻭﻝ ﺣﺎﮐﻢ ﺷﺎﮦ ﺷﺠﺎﻉ ﻧﮯ ﮐﺴﯽ ﻃﺮﺡ ﻭﮦ ﮨﯿﺮﺍ ﺣﺎﺻﻞ ﮐﯿﺎ ﺍﻭﺭ ﺍﺳﮯ ﺍﭘﻨﮯ ﺳﺎﺗﮫ ﻟﮯ ﮐﺮ ﮐﺎﺑﻞ ﺳﮯ ﻻﮨﻮﺭ ﭘﮩﻨﭻ ﮔﯿﺎ۔ ﻭﮦ ﭘﻨﺠﺎﺏ ﮐﮯ ﻣﮩﺎﺭﺍﺟﮧ ﺭﻧﺠﯿﺖ ﺳﻨﮕﮫ ﺳﮯ ﻣﻼ ﺍﻭﺭ ﺍﺳﮯ ﮨﯿﺮﺍ ﭘﯿﺶ ﮐﺮﮐﮯ ﺩﺭﺧﻮﺍﺳﺖ ﮐﯽ ﮐﮧ ﻭﮦ ﺍﯾﺴﭧ ﺍﻧﮉﯾﺎ ﮐﮯ ﺍﻧﮕﺮﯾﺰﻭﮞ ﮐﻮ ﮐﺴﯽ ﻃﺮﺡ ﺁﻣﺎﺩﮦ ﮐﺮﮮ ﮐﮧ ﺍﭘﻨﯽ ﻃﺎﻗﺖ ﺍﺳﺘﻌﻤﺎﻝ ﮐﺮﮐﮯ ﺍﺱ ﺳﮯ ﭼﮭﯿﻨﺎ ﮔﯿﺎ ﺍﻗﺘﺪﺍﺭ ﻭﺍﭘﺲ ﺩﻻﺋﯿﮟ۔ ﻣﮩﺎﺭﺍﺟﮧ ﺭﻧﺠﯿﺖ ﺳﻨﮕﮫ ﻧﮯ ﮐﻮﮦِ ﻧﻮﺭ ﮨﯿﺮﺍ ﺍﭘﻨﮯ ﭘﺎﺱ ﺭﮐﮫ ﻟﯿﺎ ﺍﻭﺭ 1839 ﻣﯿﮟ ﻣﺮﻧﮯ ﺳﮯ ﭘﮩﻠﮯ ﺍﺱ ﻧﮯ ﻭﺻﯿﺖ ﮐﯽ ﮐﮧ ﺍﺱ ﮐﯽ ﻣﻮﺕ ﮐﮯ ﺑﻌﺪﻭﮦ ﮨﯿﺮﺍ ﺍﮌﯾﺴﮧ ﮐﮯ ﺟﮕﻦ ﻧﺎﺗﮫ ﻣﻨﺪﺭ ﮐﻮ ﺩﺍﻥ ﮐﺮﺩﯾﺎ ﺟﺎﺋﮯ۔ ﻟﯿﮑﻦ ﺍﺱ ﮐﯽ ﻭﺻﯿﺖ ﭘﺮ ﻋﻤﻞ ﻧﮧ ﮨﻮﺳﮑﺎ۔
 1848 ﻣﯿﮟ ﭘﻨﺠﺎﺏ ﭘﺮ ﺍﻧﮕﺮﯾﺰﻭﮞ ﮐﺎ ﻗﺒﻀﮧ ﮨﻮﮔﯿﺎ ﺍﻭﺭ ﻻﮨﻮﺭ ﮐﮯ ﻗﻠﻌﮧ ﭘﺮ ﺑﺮﻃﺎﻧﯿﮧ ﮐﺎ ﺟﮭﻨﮉﺍ ﻟﮩﺮﺍﻧﮯ ﻟﮕﺎ۔ ﻣﯿﺜﺎﻕِ ﻻﮨﻮﺭ ﻣﯿﮟ ﺟﻮ ﺷﺮﺍﺋﻂ ﺗﺤﺮﯾﺮ ﮐﯽ ﮔﺌﯽ ﺗﮭﯿﮟ، ﺍﻥ ﻣﯿﮟ ﺍﯾﮏ ﻭﺍﺿﺢ ﺷﺮﻁ ﯾﮧ ﺗﮭﯽ ﮐﮧ ﮐﻮﮦِ ﻧﻮﺭ ﮨﯿﺮﺍ ﺍﻧﮕﻠﯿﻨﮉ ﮐﯽ ﻣﻠﮑﮧ ﮐﯽ ﺧﺪﻣﺖ ﻣﯿﮟ ﭘﯿﺶ ﮐﯿﺎ ﺟﺎﺋﮯ ﮔﺎ۔
ﮐﻮﮦِ ﻧﻮﺭ ﮨﯿﺮﮮ ﮐﻮ ﺑﮍﯼ ﺣﻔﺎﻇﺖ ﮐﮯ ﺳﺎﺗﮫ ﺑﺤﺮﯼ ﺟﮩﺎﺯ ﻣﯿﮟ ﺍﻧﮕﻠﯿﻨﮉ ﭘﮩﻨﭽﺎﯾﺎ ﮔﯿﺎ۔ ﺣﻔﺎﻇﺖ ﮐﮯ ﺧﯿﺎﻝ ﺳﮯ ﺍﺱ ﮨﯿﺮﮮ ﮐﯽ ﻣﻨﺘﻘﻠﯽ ﮐﯽ ﺧﺒﺮ ﺍﺧﺒﺎﺭﻭﮞ ﺳﮯ ﭘﻮﺷﯿﺪﮦ ﺭﮐﮭﯽ ﮔﺌﯽ ﺗﮭﯽ۔ ﺍﺱ ﻗﺪﺭ ﺭﺍﺯ ﺩﺍﺭﯼ ﺑﺮﺗﯽ ﮔﺌﯽ ﺗﮭﯽ ﮐﮧ ﺟﮩﺎﺯ ﮐﮯ ﭨﺮﯾﺰﺭﯼ ﺁﻓﺲ ﮐﮯ ﺍﻧﭽﺎﺭﺝ ﺍﻭﺭ ﮐﯿﭙﭩﻦ ﮐﻮ ﺑﮭﯽ ﺑﮯ ﺧﺒﺮ ﺭﮐﮭﺎ ﮔﯿﺎ ﺗﮭﺎ۔ ﻭﮦ ﺑﮭﯽ ﻧﮩﯿﮟ ﺟﺎﻧﺘﮯ ﺗﮭﮯ ﮐﮧ ﺍﺱ ﺁﮨﻨﯽ ﺑﮑﺲ ﻣﯿﮟ ﮐﯿﺎ ﻟﮯ ﺟﺎﯾﺎ ﺟﺎﺭﮨﺎ ﮨﮯ۔ ﺑﮩﺮﺣﺎﻝ ﺗﻤﺎﻡ ﺗﺮ ﺣﻔﺎﻇﺘﯽ ﺍﻧﺘﻈﺎﻡ ﮐﮯ ﺑﺎﻭﺟﻮﺩ ﮨﯿﺮﺍ ﻟﮯ ﺟﺎﻧﮯ ﻭﺍﻟﮯ ﺟﮩﺎﺯ ﮐﺎ ﻭﮦ ﺳﻔﺮ ﺧﺎﺻﺎ ﭘُﺮ ﺧﻄﺮ ﺛﺎﺑﺖ ﮨﻮﺍ، ﮔﻮ ﮐﮧ ﺧﻄﺮﮮ ﮐﯽ ﻧﻮﻋﯿﺖ ﻣﺨﺘﻠﻒ ﺗﮭﯽ۔ ﺟﺐ ﻭﮦ ﺟﮩﺎﺯ ﻣﺎﺭﯾﺸﺲ ﭘﮩﻨﭽﺎ ﺗﻮ ﺟﮩﺎﺯ ﻣﯿﮟ ﮨﯿﻀﮯ ﮐﯽ ﻭﺑﺎ ﭘﮭﯿﻞ ﮔﺌﯽ۔ ﺑﻨﺪﺭﮔﺎﮦ ﻭﺍﻟﻮﮞ ﻧﮯ ﺟﮩﺎﺯ ﮐﻮ ﻭﮨﺎﮞ ﭨﮭﮩﺮﻧﮯ ﮐﯽ ﺍﺟﺎﺯﺕ ﻧﮩﯿﮟ ﺩﯼ۔ ﺟﮩﺎﺯ ﻭﺍﻟﮯ ﺁﺋﻨﺪﮦ ﺳﻔﺮ ﮐﮯ ﻟﯿﮯ ﺿﺮﻭﺭﯼ ﺳﺎﻣﺎﻥ، ﺭﺍﺷﻦ ﻭﻏﯿﺮﮦ ﺣﺎﺻﻞ ﮐﺮﻧﺎ ﭼﺎﮨﺘﮯ ﺗﮭﮯ۔ ﻟﯿﮑﻦ ﻣﺎﺭﯾﺸﺲ ﮐﮯ ﻟﻮﮔﻮﮞ ﻧﮯ ﺍﻥ ﮐﮯ ﺧﻼﻑ ﺟﻠﻮﺱ ﻧﮑﺎﻻ ﺍﻭﺭ ﻣﻄﺎﻟﺒﮧ ﮐﯿﺎ ﮐﮧ ﺟﮩﺎﺯ ﺑﻨﺪﺭ ﮔﺎﮦ ﮐﯽ ﺣﺪﻭﺩ ﻣﯿﮟ ﺩﺍﺧﻞ ﮨﻮﻧﮯ ﮐﯽ ﮐﻮﺷﺶ ﮐﺮﮮ ﺗﻮ ﺍﺱ ﭘﺮ ﮔﻮﻟﯿﺎﮞ ﺑﺮﺳﺎﺋﯽ ﺟﺎﺋﯿﮟ۔ ﻣﺎﺭﯾﺸﺲ ﺳﮯ ﺭﻭﺍﻧﮧ ﮨﻮﻧﮯ ﮐﮯ ﺑﻌﺪ ﺟﮩﺎﺯ ﺳﺨﺖ ﻃﻮﻓﺎﻥ ﻣﯿﮟ ﭘﮭﻨﺲ ﮔﯿﺎ۔ ﺑﮩﺮﺣﺎﻝ 16 ﺍﭘﺮﯾﻞ 1850 ﮐﻮ ﺍﻧﮉﯾﺎ ﺳﮯ ﺭﻭﺍﻧﮧ ﮨﻮﻧﮯ ﻭﺍﻻ ﺟﮩﺎﺯ ﺗﻘﺮﯾﺒﺎً 86 ﺩﻥ ﮐﮯ ﺳﻔﺮ ﮐﮯ ﺑﻌﺪ ﺍﻧﮕﻠﯿﻨﮉ ﭘﮩﻨﭽﺎ۔ ﺍُﺱ ﻭﻗﺖ ﮐﮯ ﺍﻧﮉﯾﺎ ﮐﮯ ﮔﻮﺭﻧﺮ ﺟﻨﺮﻝ ﻻﺭﮈ ﮈﻟﮩﻮﺳﯽ ﻧﮯ ﮨﯿﺮﮮ ﮐﯽ ﺍﻧﮕﻠﯿﻨﮉ ﭘﮩﻨﭽﻨﮯ ﮐﯽ ﺧﺒﺮ ﻣﻠﺘﮯ ﮨﯽ ﻣﮩﺎﺭﺍﺟﮧ ﺭﻧﺠﯿﺖ ﺳﻨﮕﮫ ﮐﮯ ﺗﺨﺖ ﻧﺸﯿﻦ ﺑﯿﭩﮯ ﺩﻟﯿﭗ ﺳﻨﮕﮫ ﮐﻮ ﻟﻨﺪﻥ ﺭﻭﺍﻧﮧ ﮐﺮﺩﯾﺎ۔ ﺍﺱ ﻧﮯ ﻟﻨﺪﻥ ﭘﮩﻨﭻ ﮐﺮ ﮐﻮﮦِ ﻧﻮﺭ ﮨﯿﺮﺍ ﻣﻠﮑﮧ ﻭﮐﭩﻮﺭﯾﮧ ﮐﻮ ﭘﯿﺶ ﮐﯿﺎ۔ ﺍﺳﯽ ﺳﺎﻝ ﯾﻌﻨﯽ 1851 ﻣﯿﮟ ﮐﻮﮦِ ﻧﻮﺭ ﮨﯿﺮﮮ ﮐﻮ ﮨﺎﺋﯿﮉ ﭘﺎﺭ ﻣﯿﮟ ﺭﮐﮭﺎ ﮔﯿﺎ ﺗﺎﮐﮧ ﻋﻮﺍﻡ ﺍﺱ ﮐﺎ ﺩﯾﺪﺍﺭ ﮐﺮﺳﮑﯿﮟ۔ ﺍُﺱ ﻭﻗﺖ 1851 ﺳﮯ ﮐﻮﮦِ ﻧﻮﺭ ﮨﯿﺮﺍ ﺑﺮﻃﺎﻧﯿﮧ ﮐﮯ ﻗﺒﻀﮯ ﻣﯿﮟ ﮨﮯ۔ ﺟﺐ ﮐﮧ ﺍﺱ ﮨﯿﺮﮮ ﮐﯽ ﻣﻠﮑﯿﺖ ﮐﮯ ﻟﯿﮯ ﮐﺌﯽ ﻣﻤﺎﻟﮏ ﺩﻋﻮﮮ ﮐﺮﺗﮯ ﺭﮨﮯ ﮨﯿﮟ ﺍﻭﺭ ﻭﮦ ﺍﺳﮯ ﺣﺎﺻﻞ ﮐﺮﻧﮯ ﮐﯽ ﺧﻮﺍﮨﺶ ﺑﮭﯽ ﻇﺎﮨﺮ ﮐﺮﭼﮑﮯ ﮨﯿﮟ۔ 1976 ﻣﯿﮟ ﭘﺎﮐﺴﺘﺎﻥ ﮐﮯ ﻭﺯﯾﺮﺍﻋﻈﻢ ﺫﻭﺍﻟﻔﻘﺎﺭ ﻋﻠﯽ ﺑﮭﭩﻮ ﻧﮯ ﺍُﺱ ﻭﻗﺖ ﮐﮯ ﺑﺮﻃﺎﻧﻮﯼ ﻭﺯﯾﺮﺍﻋﻈﻢ ﺟﻢ ﮐﺎﻻﮨﺎﻥ ﺳﮯ ﻣﻄﺎﻟﺒﮧ ﮐﯿﺎ ﺗﮭﺎ ﮐﮧ ﮐﻮﮦِ ﻧﻮﺭ ﮨﯿﺮﺍ ﭘﺎﮐﺴﺘﺎﻥ ﮐﻮ ﻟﻮﭨﺎﯾﺎ ﺟﺎﺋﮯ۔ ﺟﻮﺍﺏ ﻣﯿﮟ ﺍﻧﮩﻮﮞ ﻧﮯ ﺍﻧﮑﺎﺭ ﮨﯽ ﮐﯿﺎ۔ ﭘﺎﮐﺴﺘﺎﻥ ﮐﮯ ﻋﻼﻭﮦ ﺍﻧﮉﯾﺎ، ﺍﻓﻐﺎﻧﺴﺘﺎﻥ ﺍﻭﺭ ﺍﯾﺮﺍﻥ ﺑﮭﯽ ﮨﯿﺮﮮ ﮐﯽ ﻣﻠﮑﯿﺖ ﮐﮯ ﺩﻋﻮﯾﺪﺍﺭ ﮨﯿﮟ ﺍﻭﺭ ﯾﮧ ﺗﻤﺎﻡ ﻣﻠﮏ ﻭﻗﺘﺎً ﻓﻮﻗﺘﺎً ﺍﻧﮕﻠﯿﻨﮉ ﺳﮯ ﮨﯿﺮﮮ ﮐﯽ ﻭﺍﭘﺴﯽ ﮐﺎ ﻣﻄﺎﻟﺒﮧ ﮐﺮﺗﮯ ﺭﮨﺘﮯ ﮨﯿﮟ۔ ﻣﻌﻠﻮﻡ ﮨﻮﺍ ﮐﮧ ﺁﺝ ﮐﻞ ﮐﻮﮦِ ﻧﻮﺭ ﮨﯿﺮﺍ ﭨﺎﻭﺭ ﺁﻑ ﻟﻨﺪﻥ ﻣﯿﮟ ﻣﻮﺟﻮﺩ ﮨﮯ ﺍﻭﺭ ملکہ ﺍﻧﮕﻠﯿﻨﮉ ﮐﯽ ﺧﻮﺍﮨﺶ ﭘﺮ ﺍﺳﮯ ﻭﮨﺎﮞ ﺭﮐﮭﻮﺍﯾﺎ ﮔﯿﺎ ﮨﮯ ۔

 

Lahore Times

Read Previous

کاش کے ہم سب لائبریری میں پڑی کتابوں کی طرح ہوتے

Read Next

THESE 5 ACTRESSES HAVE CHANGED RELIGION FOR LOVE

Leave a Reply

Your email address will not be published.